130-ზე მეტი ყოფილი მაღალი პოლიტიკური და ადმინისტრაციული თანამდებობის პირი საქართველოს მესამე პრეზიდენტის მიხეილ სააკაშვილის უცხოეთში სამკურნალოდ გადაყვანის მოთხოვნით ერთობლივ განცხადებას ავრცელებს.
მათი თქმით, ეს არის ზეპარტიული მიზანი და "ასეა სწორი ისტორიის, პოლიტიკური მიზანშეწონილობის, ჰუმანიზმისა და ცივილიზებულობის პრინციპებიდან გამომდინარე".
განცხადებას უცვლელად გთავაზობთ:
"საქართველოს სახალხო დამცველის მიერ შექმნილი კონსილიუმის შეფასება პრეზიდენტ მიხეილ სააკაშვილის მდგომარეობის შესახებ შემდეგია:
კონსილიუმის წევრი ექიმების განცხადებით, პაციენტის მდგომარეობა, მათი ბოლო შეფასების (27.04.2022) შემდგომ, მკვეთრად გაუარესებულია და ფასდება როგორც მძიმე. პაციენტის მდგომარეობა უწყვეტად უარესდებოდა ბოლო წლის და განსაკუთრებით ბოლო ორი თვის განმავლობაში, როდესაც პაციენტმა წონის თითქმის 30% დაკარგა.
სამწუხაროდ, განვითარდა კონსილიუმის მიერ არაერთხელ პროგნოზირებული ანორექსიის სიცოცხლისათვის საშიშ კახექსიაში გადასვლა და ამჟამად, პაციენტი იმყოფება აქტიური კატაბოლიზმის (თვითმონელების და ქსოვილების განლევის) ფაზაში, რასაც ადასტურებს ძალიან აჩქარებული წონის კლება – სექტემბრიდან წონა ჩამოვიდა 98 კგ- დან ამჟამინდელ 73.6 კგ-მდე.
კონსილიუმის წევრთა განცხადებით, პრეზიდენტ სააკაშვილს ჩაუტარდა საქართველოში ხელმისაწვდომი ყველა ლაბორატორიული თუ ინსტრუმენტული კვლევა და მკურნალობა რამოდენიმე პოლიპროფილურ კლინიკაში. მიუხედავად ამისა, პაციენტის მდგომარეობა სწრაფად უარესდება. პაციენტის მართვა ვერ ხდება პროაქტიურ რეჟიმში (რაც ჩვეულებრივ პაციენტის მართვის სტანდარტია თანამედროვე მედიცინისთვის) და მკურნალობის მიდგომები შემოიფარგლება სხვადასხვა გართულებებზე რეაგირებით.
„წონის კლების სიჩქარე ბოლო თვეებში გასამმაგდა. ასეთი სისწრაფით კლებისას კი კრიტიკული BMI <14 ( რაც < 52 კგ-ს შეესაბამება) მიღწეულ იქნება 2-3 თვეში, რის შემდეგაც დაიწყება ორგანოთა სისტემების შეუქცევადი დაზიანება,“ - ამბობენ კონსილიუმის წევრები. მათი შეფასებით, პაციენტი სასწრაფოდ გადასაყვანია სხვა ქვეყანაში, რადგან საქართველოში მისი მდგომარეობა გაუარესდა და თან ეს იმ ფონზე, როდესაც მისმა მკურნალმა ექიმებმა ყველაფერი სცადეს.
კონსილიუმის წევრები ასევე ამბობენ, რომ პასუხი უნდა გაეცეს ავტორიტეტული უცხოელი ექიმის მიერ დასმულ კითხვას პაციენტის ორგანიზმში მძიმე მეტალების კვალის აღმოჩენის თაობაზე, რადგან მძიმე მეტალებით მოწმავლას ნამდვილად შეუძლია გამოიწვიოს ის სიმპტომები, რაც სააკაშვილს აქვს.
პრეზიდენტ მიხეილ სააკაშვილის ჯანმრთელობის სწრაფი გაუარესების ფონზე, ჩატარებული ანალიზებისა და კვლევის შედეგები ასევე გამოაქვეყნა ამერიკელი სამედიცინო ექსპერტების დამოუკიდებელმა ჯგუფმაც დასკვნა ავლენს პრეზიდენტ სააკაშვილის მიმართ ადამიანის უფლებების მძიმე დარღვევებს, მათ შორის, წამებასა და მძიმე ლითონით მოწამვლას.
„მისი მდგომარეობა საგანგაშოა. აშკარაა, რომ პრეზიდენტ სააკაშვილს არასათანადოდ მოეპყრნენ და აწამეს“, - განაცხადა მედიცინის დოქტორმა, 1997 წლის ნობელის პრემიის ლაურეატმა მედიცინაში, ექიმმა ჯეიმს კობიმ. ” მის სიცოცხლეს გარდაუვალი საფრთხე ემუქრება, თუ არ გადაიყვანენ დასავლეთის სამკურნალო დაწესებულებაში, სადაც იგი სიცოცხლის შესანარჩუნებლად საჭირო მკურნალობას მიიღებს”, - დასძინა ექიმმა კობიმ.
ამერიკელი ექსპერტები მიუთითებენ, რომ პრეზიდენტ სააკაშვილს აქვს პატიმრობით გამოწვეული ფსიქოლოგიური, ნევროლოგიური, ორთოპედიული და კუჭ-ნაწლავის დაავადებები, რომლებიც განუხრელად აუარესებს მის მდგომარეობას. ამასთან, მედიკოსთა ჯგუფმა მის ორგანიზმში აღმოაჩინა დარიშხანისა და მძიმე ლითონების, მათ შორის ვერცხლისწყლის კვალი.
ამიტომ ექსპერტები მკაცრ რეკომენდაციას უწევენ მის სასწრაფო გადაყვანას სამედიცინო დაწესებულებაში შეერთებულ შტატებში ან დასავლეთ ევროპაში, ერთი მხრივ, შემდგომი კვლევების ჩასატარებლად ჯანმრთელობის მდგომარეობის სრულყოფილი და ადეკვატური დიაგნოსტირებისთვის, ხოლო, მეორე მხრივ, დეტოქსიკაციის პროცედურის შეძლებისდაგვარად მჭიდრო ვადებში ჩასატარებლად შესაბამისი პროფილის კლინიკაში სათანადო კვალიფიკაციის სპეციალისტების მიერ, რაც საქართველოს პირობებში შეუძლებელია.
„პრეზიდენტ სააკაშვილს მიეცა სულ მცირე 14 სხვადასხვა სამედიცინო პრეპარატი, რომელთაგან ზოგიერთს არ აქვს ამერიკის სურსათისა და წამლის სააგენტოს ავტორიზაცია “, - განაცხადა მედიცინის დოქტორმა, შეერთებული შტატების წამყვანმა ტოქსიკოლოგმა დევიდ ე. სმიტმა. „ამ პრეპარატების მომაკვდინებელმა კომბინაციამ გამოიწვია ტვინის დისფუნქცია, მათ შორის, თეთრი ნივთიერების ატროფია პრეფრონტალურ კორტექსში, რომელიც პასუხისმგებელია თავის ტვინის მაკონტროლებელ ფუნქციაზე, და გაზარდა ავადობის და სიკვდილიანობის რისკი. ამიტომ აუცილებელია ამ წამლებისგან დაუყოვნებელივი დეტოქსიკაცია“, - დასძინა დოქტორ სმიტმა.
*****
ამდენად, როგორც საქართველოს სახალხო დამცველის მიერ შექმნილი კონსილიუმის, ისე ამერიკელი სამედიცინო ექსპერტების დამოუკიდებელი ჯგუფის შეფასებები უტყუარად ადასტურებს, რომ საქართველოში პრეზიდენტ მიხეილ სააკაშვილის სიცოცხლის შენარჩუნება ვერ მოხდება და პროცესი წამებით სიკვდილით დასრულდება.
ჩვენ არ განვიხილავთ პრეზიდენტ სააკაშვილის ბრალეულობის საკითხს. ჩვენ ვამბობთ: კონსტიტუციით სიკვდილით დასჯა აკრძალულია, ისევე როგორც წამება, არაადამიანური და დამამცირებელი მოპყრობა. ეს ასევე გამომდინარეობს საქართველოს მიერ აღიარებული საერთაშორისო ნორმებიდან. პრეზიდენტ სააკაშვილის, ისევე როგორც ნებისმიერი პატიმრის, წამებით მოკვდინება სისხლის სამართლის დანაშაულია და ეწინააღმდეგება საქართველოს მიერ ნაკისრ საერთაშორისო ვალდებულებებს. ამასთან, ვინაიდან პრეზიდენტი სააკაშვილი იმყოფება ხელისუფლების ეფექტური კონტროლის ქვეშ, მისი ღირსების, სიცოცხლის და ჯანმრთელობის ხელყოფაზე პასუხისმგებლობა სწორედ სახელმწიფო ხელისუფლებას ეკისრება.
პრეზიდენტ სააკაშვილის საქართველოში წამებით მოკვდინებას ექნება უაღრესად საზიანო შიდა და გარე პოლიტიკური შედეგები. ფატალური შედეგი, არა მხოლოდ გააღრმავებს ქვეყანაში დღეს არსებულ პოლარიზაციას, არამედ მოსპობს მისი უახლოვეს მომავალში გადალახვის შანსსაც კი. გასათვალისწინებელია, რომ ქართულმა საზოგადოებამ დღემდე ვერ მოიშუშა საქართველოს პირველი პრეზიდენტის ძალადობრივი მოკვდინების ტრავმა.
გაღრმავდება კითხვები საერთაშორისო თანამეგობრობაშიც: არიან კი ქართველები იმ ერთა სიაში, რომელებიც პატივს სცემენ კანონის უზენაესობის პრინციპებს და ძალუძთ დემოკრატიულად ხელისუფლებების მშვიდობიანი ცვლა და პოლიტიკური დევნის გარეშე თანაარსებობა.
და ბოლოს, დღეს ევროპაში მიმდინარეობს ისტორიული პროცესი - უკრაინელი ხალხის გმირული ბრძოლა რუსული აგრესიიის წინაარმდეგ. როგორი იქნება ისტორიული ვერდიქტი ჩვენს მიმართ, თუ ქართული სახელმწიფო, ამ ისტორიულ დღეებში, მიხეილ სააკაშვილს, პუტინის “პირად მტერს”, ციხეში წამებით მოკლავს?
შესაბამისად,
მაღალკვალიფიციური კომისიების დასკვნით, პრეზიდენტ სააკაშვილის არსებულ მდგომარეობაში დატოვება არის მისი წამებით მოკვდინების აქტი, რაც არის უკანონობა, დანაშაული და საერთაშორისოდ აღიარებული ფუნდამენტური უფლებების უხეში დარღვევა რაც შეუქცევადად დააზიანებს ქვეყნის სტაბილურობას, საერთაშორისო იმიჯსა და ჩვენს ისტორიულ პერსპექტივას.
ამიტომ, პოლიტიკური განსხვავებების მიუხედავად, არ უნდა ჩაგვითრიოს შურისძიების მორევმა; ჩვენ, საქართველოს მოქალაქეებმა, არ უნდა დავუშვათ პრეზიდენტ მიხეილ სააკაშვილის წამებით სიკვდილი. იგი სასწრაფოდ უნდა გაიგზავნოს სამკურნალოდ უცხოეთში. ეს არის ზეპარტიული მიზანი. ასეა სწორი ისტორიის, პოლიტიკური მიზანშეწონილობის, ჰუმანიზმისა და ცივილიზებულობის პრინციპებიდან გამომდინარე.
მოგიწოდებთ ამ მიზნით გაერთიანებას!"
განცხადებას ხელს აწერენ:
გიორგი მარგველაშვილი, საქართველოს მეოთხე პრეზიდენტი, 2013-2018
დავით ბაქრაძე, საქართველოს პარლამენტის თავმჯდომარე, 2008-2012
ნემო ბურჭულაძე, 1990-1991 წლების პარლამენტის თავმჯდომარე დევნილობაში
ნინო ბურჯანაძე, საქართველოს პარლამენტის თავმჯდომარე, 2004-2008
დავით უსუფაშვილი, საქართველოს პარლამენტის თავმჯდომარე, 2012-2016, (ჩანაწერით „ვუერთდები მოთხოვნას“)
სერგი კაპანაძე, პარლამენტის ვიცე-სპიკერი, 2016-2020
მიხეილ მაჭავარიანი, პარლამენტის პირველი ვიცე-სპიკერი, 2004-2012
ეკა ბესელია, პარლამენტის იურიდიულ საკითხთა კომიტეტის თავმჯდომარე, 2012-2018
ხათუნა გოგორიშვილი, პარლამენტის საპროცედურო საკითხთა და წესების, კომიტეტის თავმჯდომარე, 2004-2012
გივი თარგამაძე, პარლამენტის თავდაცვის კომიტეტის თავმჯდომარე, 2004-2012
ნინო ნაკაშიძე, საქართველოს პარლამენტის ევროინტეგრაციის კომიტეტის თავმჯდომარე-2004-2008
გედი ფოფხაძე, საქართველოს პარლამენტის ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის თავმჯდომარე, 2016-2018
გიგი წერეთელი, ეუთო-ს საპარლამენტო ასამბლეის პრეზიდენტი, 2017-2020
ავთანდილ დემეტრაშვილი, საკონსტიტუციო სასამართლოს თავმჯდომარე, 1996-2001
კონსტანტინე კუბლაშვილი, უზენაესი სასამართლოს თავმჯდომარე, 2005-2015
გიორგი პაპუაშვილი, საკონსტიტუციო სასამართლოს თავმჯდომარე 2006-2016
ბესო ლოლაძე, საკონსტიტუციო სასამართლოს თავმჯდომარის მოადგილე, 2006-10010
ზაზა მეიშვილი, უზენაესი სასამართლოს თავმჯდომარის პირველი მოადგილე, 2006-2016
ქეთევან ერემაძე, საკონსტიტუციო სასამართლოს მოსამართლე, 2006-2016
მაია კოპალეიშვილი, საკონსტიტუციო სასამართლოს მოსამართლე, 2009-2019
ნონა წოწორია, ევროპის ადამიანის უფლებების სასამართლოს (სტრასბურგი) მოსამართლე, 2008-2018
გეგა მგალობლიშვილი, პრემიერ-მინისტრი, 2008-2009
გელა ბეჟუაშვილი, საგარეო საქმეთა მინისტრი, 2005-2008
გიორგი გაბაშვილი, საქართველოს კულტურისა და ძეგლთა დაცვის მინისტრი, 2004-2007
კონსტანტინე გაბაშვილი, საქართველოს მეცნიერებისა და განათლების მინისტრი, 1992-1993
იულონ გაგოშიძე, დიასპორის საკითხებში საქართველოს სახელმწიფო მინისტრი, 2008-2009
თორნიკე გორდაძე, ევროპულ და ევროატლანტიკურ სტრუქტურებში ინტეგრაციის მინისტრი, 2012
მირზა (პაპუნა) დავითაია, დიასპორის საკითხებში საქართველოს სახელმწიფო მინისტრი, 2009-2012
გრიგოლ ვაშაძე, საგარეო საქმეთა მინისტრი, 2009-2012
ნიკოლოზ ვაჩეიშვილი, საქართველოს კულტურისა და ძეგლთა დაცვის მინისტრი, 2008
გიორგი ზედგინიძე, გარემოს და ბუნებრივი რესურსების მინისტრი, 2012
პაატა ზაქარეიშვილი, რეინტეგრაციის საკითხებში სახელმწიფო მინისტრი, 2012-2014
თემურ იაკობაშვილი, ვიცე-პრემიერი, რეინტეგრაციის საკითხებში სახელმწიფო მინისტრი, 2008-2011
დავით კეზერაშვილი, თავდაცვის მინისტრი, 2006-2008
ალექსანდრე კვიტაშვილი, შრომის, ჯანმრთელობისა და სოციალური დაცვის მინისტრი, 2008-2010
ალექსანდრე (კახა) ლომაია, განათლებისა და მეცნიერების მინისტრი, 2004-2007, (ჩანაწერით "მიხეილ სააკაშვილი პოლიტიკური პატიმარია")
გია ნოდია, საქართველოს მეცნიერებისა და განათლების მინისტრი, 2008
ალექსი პეტრიაშვილი, ევროპულ და ევროატლანტიკურ სტრუქტურებში ინტეგრაციის სახელმწიფო მინისტრი, 2012-2014
დავით სიხარულიძე, თავდაცვის მინისტრი, 2009
კობა სუბელიანი, იძულებით გადაადგილებულ პირთა, განსახლებისა და ლტოლვილთა მინისტრი, 2008-2012
ეკა ტყეშელაშვილი, ვიცე-პრემიერი, რეინტეგრაციის საკითხებში სახელმწიფო მინისტრი, 2010-2012
ანდრია ურუშაძე, შრომის, ჯანმრთელობისა და სოციალური დაცვის მინისტრი, 2010-2012
ვერა ქობალია, ეკონომიკისა და მდგრადი განვითარების მინისტრი, 2010-2012
ირაკლი ღვალაძე , გარემოს დაცვისა და ბუნებრივი რესურსების მინისტრი, 2008
დიმიტრი შაშკინი, განათლებისა და მეცნიერების მინისტრი, 2009-2012
დავით ჩანტლაძე, გარემოს დაცვისა და ბუნებრივი რესურსების მინისტრი, 2007
ვალერი ჩეჩელაშვილი, ფინანსთა მინისტრი, 2005
ზურაბ ჭიაბერაშვილი, შრომის, ჯანმრთელობისა და სოციალური დაცვის მინისტრი, 2012
გოგა ხაჩიძე, გარემოს დაცვისა და ბუნებრივი რესურსების მინისტრი, 2008-2012
თინა ხიდაშელი, საქართველოს თავდაცვის მინისტრი, 2015-2016
ირაკლი აბესაძე, პარლამენტის წევრი, 2016-2020
ნაზი არონია, პარლამენტის წევრი, 2004-2008
ბიმურზა აფრასიძე, პარლამენტის წევრი, 1990-1991
ლევან ბერძენიშვილი, პარლამენტის წევრი, 2012-2016
ლადო გეგელაშვილი, პარლამენტის წევრი, 2004-2007
ნინო გოგუაძე, პარლამენტის წევრი, 2012-2016
დავით დარჩიაშვილი, პარლამენტის წევრი, 2008-2016
ლევან თარხნიშვილი, პარლამენტის წევრი, 2012-2016
მედეა თუშმალიშვილი, პარლამენტის წევრი, 1990-1991
რევაზ კემულარია, პარლამენტის წევრი, 1990-1991
მიხეილ მახარაძე, პარლამენტის წევრი, 2012-2016
ომარ მეგრელიძე, პარლამენტის დეპუტატი, 2012-2016
ლევან მეტრეველი, პარლამენტის წევრი, 2004-2008
ველოდი მირცხულავა, პარლამენტის წევრი, 1990-1991
ირმა ნადირაშვილი, პარლამენტის წევრი, 2012-2020
მაია ნადირაძე, პარლამენტის წევრი, 2004-2008
ნოდარ ნონიაშვილი, პარლამენტის წევრი, 1990-1991
ხათუნა ოჩიაური, პარლამენტის წევრი, 2008-2012
სერგო რატიანი, პარლამენტის წევრი, 2012-2020
გუბაზ სანიკიძე, პარლამენტის წევრი, 2012-2016
დავით საყვარელიძე, პარლამენტის წევრი, 2012-2015
მარიამ საჯაია, პარლამენტის წევრი, 2012-2016
თენგიზ ჩაჩავა, პარლამენტის წევრი, 1990-1991
გოგი ჩიქავა, პარლამენტის წევრი, 1990-1991
ვახტანგ ცაგარეიშვილი, პარლამენტის წევრი, 1990-1991
ნუგზარ წიკლაური, პარლამენტის წევრი, 2008-2016
ბეჟან ჯავახია, პარლამენტის წევრი, 1990-1991
ზურაბ ჯაფარიძე, პარლამენტის წევრი, 2012-2016
კახაბერ მიქელაძე, აჭარის უმაღლესი საბჭოს დეპუტატი, 2004-2008
კახაბერ სურგულაძე, აჭარის უმაღლესი საბჭოს დეპუტატი, 2004-2008
გიორგი ქადაგიძე, ეროვნული ბანკის პრეზიდენტი, 2009-2016
დიმიტრი ქიტოშვილი, კომუნიკაციების მარეგულირებელი კომისიის თავმჯდომარე, 2005-2006
გურამ ჩალაგაშვილი, ენერგეტიკის მარეგულირებელი კომისიის თავმჯდომარე, 2007-2013
უჩა ნანუაშვილი, სახალხო დამცველი, 2012-2017
გიორგი ტუღუში, სახალხო დამცველი, 2009-2012
დავით რაქვიაშვილი, უშიშროების საბჭოს მდივანი, 2013-2018
გიგი კალანდაძე, გენერალური შტაბის უფროსი, 2012
მალხაზ (კახა) აკიშბაია, აფხაზეთის ავტონომიური რესპუბლიკის მთავრობის თავმჯდომარე, 2006-2009
ლევან ვარშალომიძე, აჭარის ავტონომიური რესპუბლიკის მთავრობის თავმჯდომარე, 2004-2012
გიგი უგულავა, თბილისის მერი, 2005-2014
სევდია ურეხელიძე, თბილისის მერის მოადგილე, 2013-2014
პაატა გაფრინდაშვილი, თავდაცვის მინისტრის მოადგილე, 2004-2005
გია გეწაძე, საქართველოს (2003-2004) და უკრაინის (2015-2018) იუსტიციის მინისტრის მოადგილე
გიგი გიგიაძე, საგარეო საქმეთა მინისტრის მოადგილე, 2014-2016
ირაკლი გიორგობიანი, შრომის, ჯანმრთელობისა და სოციალური დაცვის მინისტრის პირველი მოადგილე, 2003-2012
ეკა გურეშიძე, იუსტიციის მინისტრის პირველი მოადგილე, 2003-2005
მიხეილ დოლიძე, შრომის, ჯანმრთელობისა და სოციალური დაცვის მინისტრის მოადგილე, 2010-2012
ჯაბა ებანოიძე, იუსტიციის მინისტრის მოადგილე, 2009-2010
დავით იოსელიანი, გარემოს დაცვისა და ბუნებრივი რესურსების მინისტრის მოადგილე, 2008-2012
თამარ კოვზირიძე, ეკონომიკისა და მდგრადი განვითარების მინისტრის მოადგილე, 2004-2008
გოჩა მამაცაშვილი, გარემოს დაცვისა და ბუნებრივი რესურსების მინისტრის პირველი მოადგილე, 2009-2012
ვამიკო მოსიძე , შრომის, ჯანმრთელობისა და სოციალური დაცვის მინისტრის მოადგილე, 2004-2007
გიორგი მუჩაიძე, თავდაცვის მინისტრის მოადგილე, 2006-2009
ანა ჟვანია, განათლების მინისტრის მოადგილე, 2008-2009
აკაკი სეფერთელაძე, განათლებისა და მეცნიერების მინისტრის პირველი მოადგილე, 2009-2012
გუგა სულხანიშვილი, კულტურის, ძეგლთა დაცვისა და სპორტის მინისტრის პირველი მოადგილე, 2004-2006
ნოდარ სურგულაძე, განათლებისა და მეცნიერების მინისტრის მოადგილე, 2008-2012
შოთა უტიაშვილი, სასჯელაღსრულების მინისტრის მოადგილე, 2012
ირაკლი ფორჩხიძე, რეინტეგრაციის მინისტრის პირველი მოადგილე, 2010-2012
ბათუ ქუთელია, თავდაცვის მინისტრის მოადგილე, 2006-2008
გიორგი ყიფიანი, კულტურის და ძეგლთა დაცვის მინისტრის მოადგილე, 2009-2012
გიორგი ჩახნაშვილი, განათლებისა და მეცნიერების მინისტრის მოადგილე, 2009-2012
დავით ცხადაძე, კულტურის და ძეგლთა დაცვის მინისტრის პირველი მოადგილე, 2008-2012
გიორგი ცხაკაია, იუსტიციის მინისტრის მოადგილე, 2011-2012
დიმიტრი ძაგნიძე, იუსტიციის მინისტრის მოადგილე, 2005-2012
ბელა წიფურია, განათლებისა და მეცნიერების მინისტრის მოადგილე, 2004-2008
ზვიად ჭეიშვილი, ეკონომიკის მინისტრის მოადგილე, 2008
მარინე ჭოღოშვილი, კულტურის და ძეგლთა დაცვის მინისტრის მოადგილე, 2008-2012
ელენე ხოშტარია, ევროპულ და ევროატლანტიკურ სტრუქტურებში ინტეგრაციის მინისტრის პირველი მოადგილე, 2007-2012
დავით ჯანდიერი, იუსტიციის მინისტრის პირველი მოადგილე, 2012-2013
ლევან ჯუღელი, შრომის, ჯანმრთელობისა და სოციალური დაცვის მინისტრის მოადგილე, 2003-2007�
გია აბულაძე, აჭარის განათლების,კულტურისა და სპორტის მინისტრი, 2010-2012
ლევან ანთაძე, აჭარის შრომის, ჯანმრთელობის და სოციალური დაცვის მინისტრი, 2008-2011
თემურ გაბაიძე, აჭარის შრომის, ჯანმრთელობისა და სოციალური დაცვის მინისტრი, 2011-2012
დონარა სურმანიძე, აჭარის სოფლის მეურნეობის მინისტრი, 2011-2012
ავთანდილ ბოლქვაძე, აჭარის განათლების კულტურის და სპორტის მინისტრის მოადგილე, 2004-2006
ედნარ აბულაძე, ქედის საკრებულოს თავმჯდომარე, 2006-2010
ტარიელ აბულაძე, ხულოს გამგებელი, 2005-2007
ელგუჯა ბაგრატიონი, ქობულეთის საკრებულოს თავმჯდომარე, 2012-2014
რევაზ მიქელაძე, ხულოს საკრებულოს თავმჯდომარე, 2007-2011
ოთარ ცეცხლაძე, ხულოს გამგებელი, 2004
მიხეილ ავალიანი, გარემოს ეროვნული სააგენტოს თავმჯდომარე, 2007
ეკატერინე ეგუტია, ინტელექტუალური საკუთრების ეროვნული ცენტრის " საქპატენტის" თავმჯდომარის მოადგილე, 2010-2014
ქეთევან იგნატოვი, კულტურის და ძეგლთა დაცვის მინისტრის მრჩეველი, 2009-2012
ქართლოს ყიფიანი, საჯარო სამსახურის ბიუროს ხელმძღვანელი, 2004-2006
გიორგი შონვაძე, დაცული ტერიტორიების სააგენტოს თავმჯდომარე 2006-2013
რატი ჯაფარიძე, დაცული ტერიტორიების სააგენტოს თავმჯდომარე, 2013-2014
გიგი თევზაძე, ილიას უნივერსიტეტის რექტორი, 2004-2012
დავით ჩომახიძე, თბილისის სახელმწიფო უნივერსიტეტის კანცლერი, 2010-2016
გია მამულაშვილი, მასწავლებელთა პროფესიული განვითარების ეროვნული ცენტრის დირექტორი, 2010-2013
აკაკი ხუსკივაძე, სსიპ ქ. თბილისის 161-ე საჯარო სკოლის დირექტორი, 2010-2013
დახურვა